കുവൈറ്റ്‌ സിറ്റി: കേരള ആർട്ട്‌ ലവേഴ്സ് അസോസിയേഷൻ, കല കുവൈറ്റ് 47-ാമത് വാർഷിക പ്രതിനിധി സമ്മേളനം സ: വി എസ് അച്ചുതാനന്ദൻ നഗറിൽ (ഇന്ത്യൻ സെൻട്രൽ സ്കൂൾ അബ്ബാസിയ) മുതിർന്ന മാധ്യമ പ്രവർത്തകൻ കെ ജെ ജേക്കബ്  ഉദ്ഘാടനം ചെയ്തു. വാർഷിക പ്രതിനിധി സമ്മേളനം 2026 പ്രവർത്തന വർഷത്തേക്കുള്ള ഭാരവാഹികളെയും 29 അംഗ കമ്മിറ്റിയേയും  തിരഞ്ഞെടുത്തു.

പ്രസിഡന്റ്  അൻസാരി കടയ്ക്കൽ, ജനറൽ സെക്രട്ടറി ജിതിൻ പ്രകാശ്, ട്രഷറർ പി ബി സുരേഷ് എന്നിവരെയാണ്  സമ്മേളനം തിരഞ്ഞെടുത്തത്.

സുമിത വിശ്വനാഥ് (വൈസ് പ്രസിഡന്റ്), പ്രവീൺ പി വി (ജോയിന്റ് സെക്രട്ടറി), കൃഷ്ണ മേലേത്ത്‌ (അബ്ബാസിയ മേഖലാ സെക്രട്ടറി)

ഷിജിൻ (അബുഹലീഫ മേഖലാ സെക്രട്ടറി)

ശരത്‌ ചന്ദ്രൻ (സാൽമിയ മേഖലാ സെക്രട്ടറി)

ബിജോയ്‌ (ഫഹഹീൽ മേഖലാ സെക്രട്ടറി)

മണിക്കുട്ടൻ (സാഹിത്യ വിഭാഗം)

തസ്നീം മന്നിയിൽ (മീഡിയ സെക്രട്ടറി)

അശോകൻ കൂവ (കായിക വിഭാഗം)

പ്രസീത്‌ കരുണാകരൻ (കല വിഭാഗം)

ദേവദാസ്‌ (സാമൂഹിക വിഭാഗം),അജിത് പനിക്കാടൻ, അനൂപ് പറക്കോട്,  രജീഷ് സി , ശങ്കർ റാം, സന്തോഷ് കെ ജി, ജോബിൻ ജോൺ, ഗോപി കൃഷ്ണൻ,അബ്ദുൽ നിസാർ, അഞ്ജന സജി,ജോസഫ് നാനി, നവീൻ എളയാവൂർ, ഗോപകുമാർ, മാത്യു ജോസഫ്, ജഗദീഷ് ചന്ദ്രൻ, ഷംല ബിജു   എന്നിവർ    അടങ്ങിയ കേന്ദ്ര കമ്മിറ്റിയെ സമ്മേളനം തിരഞ്ഞെടുത്തു. 

മാത്യു ജോസഫ്, നൗഷാദ് സി കെ, ബെറ്റി   അഗസ്റ്റിൻ എന്നിവരടങ്ങിയ പ്രസീഡിയം സമ്മേളന നടപടികൾ നിയന്ത്രിച്ചു. ജനറൽ സെക്രട്ടറി ഹിക്മത്ത് ടി വി  അവതരിപ്പിച്ച ഒരു വർഷത്തെ പ്രവർത്തന റിപ്പോർട്ടും, ട്രഷറർ സുരേഷ് പി ബി   അവതരിപ്പിച്ച സാമ്പത്തിക റിപ്പോർട്ടും സമ്മേളനം ചർച്ച ചെയ്ത് അംഗീകരിച്ചു. 25 കേന്ദ്ര കമ്മിറ്റി അംഗങ്ങളും നാല് മേഖല സമ്മേളനങ്ങളിൽ നിന്നും തെരഞ്ഞെടുക്കപ്പെട്ട 361 പ്രതിനിധികൾ ഉൾപ്പെടെ 386 അംഗങ്ങൾ സമ്മേളനത്തിൽ പങ്കെടുത്തു. സബ് കമ്മറ്റികളുടെ ഭാഗമായി മണിക്കുട്ടൻ കോന്നി (കൺവീനർ), ബിതീഷ, രാജീവ് ടി എൽ, എന്നിവർ മിനിറ്റ്സ് കമ്മിറ്റിയുടെയും,  സജിൻ മുരളി (കൺവീനർ), ജിൻസി ബിപിൻ, ശ്രീരാജ് എന്നിവർ പ്രമേയ കമ്മിറ്റിയുടെയും, ജിൻസ് തോമസ് (കൺവീനർ) ഗോപീകൃഷ്ണൻ, തുഷാര ഹരിരാജ്  എന്നിവർ ക്രെഡൻഷ്യൽ  കമ്മിറ്റിയുടെയും, പി ബി സുരേഷ് (കൺവീനർ) മനോജ്, അജിത് പട്ടമന, സുധിൻ, വിജയകൃഷ്ണൻ, അബ്ദുൽ നിസാർ, ജോബിൻ, അരവിന്ദൻ കൃഷ്ണൻകുട്ടി, കൃഷ്ണ മേലാത്ത്,  എന്നിവർ രജിസ്ട്രേഷൻ കമ്മിറ്റിയുടെയും ചുമതലകൾ വഹിച്ചു.  "ഗാംക പ്രവർത്തനം സുതര്യമാക്കുക", "SIR - പ്രവാസികളുടെ ആശങ്കകൾ പരിഹരിക്കുക", "പ്രവാസികളെ സാമ്പത്തികമായി ബുദ്ധിമുട്ടിക്കുന്ന വിമാന പ്രതിസന്ധിയെ കുറിച്ച് അന്വേഷണം നടത്തുക", "മെഡിക്കൽ ലൈസൻസ് ലഭിക്കുന്നതിനുള്ള വെരിഫിക്കേഷൻ കാലതാമസം പരിഹരിക്കുക", "മത നിരപേക്ഷ ജനാധിപത്യം സംരക്ഷിക്കുക",

"തൊഴിലാളി വിരുദ്ധമായ പുതിയ ലേബർ കോഡുകൾ പിൻവലിക്കുക", "തൊഴിലുറപ്പ് പദ്ധതി അട്ടിമറിക്കാനുള്ള യൂണിയൻ സർക്കാറിന്റെ ജനവിരുധ നയങ്ങൾ പിൻവലിക്കുക", "പൊരുതുന്ന വെനിസ്വലൻ ജനതക്ക് അഭിവാദ്യങ്ങൾ" തുടങ്ങിയ കാലിക പ്രസക്തമായ പ്രമേയങ്ങളും സമ്മേളനം അംഗീകരിച്ചു. ലോകകേരള സഭ അംഗവും മലയാളം മിഷൻ കുവൈറ്റ് ചാപ്റ്റർ സെക്രട്ടറിയുമായ ജെ സജി  സമ്മേളനത്തിന് അഭിവാദ്യങ്ങൾ അർപ്പിച്ചു സംസാരിച്ചു. തിരഞ്ഞെടുക്കപ്പെട്ട പ്രസിഡന്റ് അൻസാരി കടയ്ക്കൽ സമ്മേളനത്തെ അഭിസംബോധന ചെയ്ത് സംസാരിച്ചു.

പ്രസീദ് കരുണാകരൻ  അനുശോചനപ്രമേയം അവതരിപ്പിച്ച സമ്മേളനത്തിൽ   സ്വാഗതസംഘം ചെയർമാൻ നവീൻ എളയാവൂർ  സ്വാഗതവും, പുതുതായി തിരഞ്ഞെടുക്കപ്പെട്ട ജനറൽ സെക്രട്ടറി ജിതിൻ പ്രകാശ്  നന്ദിയും രേഖപ്പെടുത്തി.