ഗൃഹാങ്കണ പുസ്തകാസ്വാദനം സംഘടിപ്പിച്ചു.
കുവൈറ്റ് സിറ്റി: കേരള ആർട്ട് ലവേഴ്സ് അസോസിയേഷൻ - കല കുവൈറ്റ് സാൽമിയ മേഖല കമ്മിറ്റിയുടെ ആഭിമുഖ്യത്തിൽ നടന്നുവരുന്ന ഗൃഹാങ്കണങ്ങളിലെ പുസ്തകാസ്വാദന പരിപാടിയുടെ ഭാഗമായി സാൽമിയ യൂണിറ്റ് ഹരിത സാവിത്രിയുടെ 'കുർബാൻ ' എന്ന പുസ്തകത്തെ ആസ്പദമാക്കി നടത്തിയ പുസ്തകാസ്വാദനം കല കുവൈറ്റ് കായിക വിഭാഗം സെക്രട്ടറി ശരത് ചന്ദ്രൻ ഉദ്ഘാടനം ചെയ്തു. ശരത് ചന്ദ്രന്റെ വസതിയിൽ നടന്ന പരിപാടിയിൽ യൂണിറ്റ് എക്സിക്യൂട്ടീവ് അംഗം ജെയിംസ് മോഹൻ മോഡറേറ്ററായി പ്രവർത്തിച്ചു. യൂണിറ്റ് അംഗം ലിജു ജോസഫ് പുസ്തകാവതരണം നടത്തി. തുടർന്ന് നിരവധിപേർ ചർച്ചയിൽ പങ്കെടുത്തു സംസാരിച്ചു . സാൽമിയ മേഖല സെക്രട്ടറി അൻസാരി കടയ്ക്കൽ, മേഖല ആക്റ്റിംഗ്‌ പ്രസിഡന്റ് ജോർജ് തൈമണ്ണിൽ, മേഖല കമ്മറ്റി അംഗങ്ങളായ സന്തോഷ് രഘു, ലിജോ അടുക്കോലിൽ , അജിത് പട്ടമന ,ബിജേഷ്, കല കുവൈറ്റ് മുൻ ഭാരവാഹികളായ അനിൽകുമാർ, പി ആർ കിരൺ,കല കുവൈറ്റ് പ്രവർത്തകരായ കൃഷ്ണ പ്രിയ ,ജിമ്മി രാകേഷ് എന്നിവർ പരിപാടിയിൽ പങ്കെടുത്ത് സംസാരിച്ചു. യൂണിറ്റ് കൺവീനർ ബെറ്റി അഗസ്റ്റിൻ സ്വാഗതം പറഞ്ഞ ചടങ്ങിന് അമാലു നന്ദി രേഖപ്പെടുത്തി.