കുവൈറ്റ് സിറ്റി: കേരള ആർട്ട് ലവേഴ്‌സ് അസോസിയേഷൻ - കല കുവൈറ്റ് യൂണിറ്റ് തല ഭാരവാഹികൾക്കായി പ്രവർത്തക യോഗവും പഠന ക്ലാസും സംഘടിപ്പിച്ചു. ഫഹാഹീൽ കല സെന്ററിൽ വച്ച് നടന്ന പരിപാടിയിൽ
അബുഹലീഫ മേഖല പ്രസിഡന്റ് ജോബിൻ ജോൺ അധ്യക്ഷത വഹിച്ചു. ഈ പ്രവർത്തന വർഷം കല ഏറ്റെടുത്തു നടത്താനുദ്ദേശിക്കുന്ന പ്രവർത്തനങ്ങളെയും പരിപാടികളെയും പറ്റി കല കുവൈറ്റ് പ്രസിഡന്റ് മാത്യു ജോസഫ് വിശദീകരണം നടത്തുകയും ജനറൽ സെക്രട്ടറി ടി വി ഹിക്മത്ത് സംഘടന ക്ലാസും നടത്തി. ജോയിന്റ് സെക്രട്ടറി പ്രസീദ് കരുണാകരൻ യോഗത്തെ അഭിസംബോധന ചെയ്ത് സംസാരിച്ചു. മേഖല എക്‌സിക്യൂട്ടീവ് അംഗം അരുണിമ പ്രകാശ് അനുശോചനം അവതരിപ്പിച്ചു. മേഖല സെക്രട്ടറി സന്തോഷ്‌ കെ ജി സ്വാഗതം ആശംസിച്ച യോഗത്തിന് മേഖല കമ്മിറ്റി എക്സിക്യു്ട്ടീവ് അംഗം ഷൈജു ജോസ് നന്ദി അറിയിച്ചു.