Trending

News Details

കല കുവൈറ്റ് അബ്ബാസിയ മേഖല പ്രവർത്തക യോഗവും പഠന ക്ലാസും സംഘടിപ്പിച്ചു.

  • 25/02/2025
  • 131 Views

കുവൈറ്റ് സിറ്റി: കേരള ആർട്ട് ലവേഴ്‌സ് അസോസിയേഷൻ - കല കുവൈറ്റ് യൂണിറ്റ് തല ഭാരവാഹികൾക്കായി പ്രവർത്തക യോഗവും പഠന ക്ലാസും സംഘടിപ്പിച്ചു. അബ്ബാസിയ കല സെന്ററിൽ നടന്ന അബ്ബാസിയ മേഖലാതല പരിപാടിയിൽ മേഖല സെക്രട്ടറി കൃഷ്ണ മേലേത്ത് അധ്യക്ഷത വഹിച്ചു. ഈ പ്രവർത്തന വർഷം കല ഏറ്റെടുത്തു നടത്താനുദ്ദേശിക്കുന്ന പ്രവർത്തനങ്ങളെയും പരിപാടികളെയും പറ്റി കല കുവൈറ്റ്‌ പ്രസിഡന്റ്‌ മാത്യു ജോസഫ് വിശദീകരണം നടത്തുകയും ജനറൽ സെക്രട്ടറി ടി വി ഹിക്മത്ത് സംഘടന ക്ലാസും നടത്തി. എക്സിക്യൂട്ടീവ് അംഗം സുനീർ അലി അനുശോചനകുറിപ്പ് അവതരിപ്പിച്ചു. കല കുവൈറ്റ്‌ വൈസ് പ്രസിഡന്റ്‌ പ്രവീൺ പി വി യോഗത്തെ അഭിസംബോധന ചെയ്തു സംസാരിച്ചു. മേഖല സെക്രട്ടറി സജീവൻ പി പി സ്വാഗതം പറഞ്ഞ ചടങ്ങിന് എക്സിക്യൂട്ടീവ് അംഗം മനോജ്‌ കുമാർ നന്ദി പ്രകാശിപ്പിച്ചു. 180ൽ പരം അംഗങ്ങൾ പരിപാടിയിൽ പങ്കെടുത്തു.