കുവൈത്ത് സിറ്റി: കേരള ആർട്ട്‌ ലവേഴ്‌സ് അസോസിയേഷൻ-കല കുവൈറ്റ്‌ സാൽമിയ മേഖല സമ്മേളനം സ.ബുദ്ധദേവ് ഭട്ടാചാര്യ നഗറിൽ (ഇന്ത്യൻ പബ്ലിക് സ്കൂൾ സാൽമിയ) കല കുവൈറ്റ്‌ മുൻ ഭാരവാഹി സുഗതകുമാർ ഉദ്ഘാടനം നിർവഹിച്ചു. മേഖല പ്രസിഡന്റ് രാജു ചാലിലിന്റെ താൽക്കാലിക അധ്യക്ഷതയിൽ ആരംഭിച്ച സമ്മേളനത്തിൽ 13 യൂണിറ്റുകളിൽ നിന്നുമുള്ള 80 പ്രതിനിധികളും, മേഖല-കേന്ദ്ര കമ്മിറ്റി അംഗങ്ങൾ അടക്കം 120 പേര് പങ്കെടുത്തു.

മേഖല എക്സിക്യൂട്ടീവ് അംഗം അബ്ദുൾ നിസാർ അനുശോചന പ്രമേയം അവതരിപ്പിച്ചു.രാജു ചാലിൽ, ജെ സജി, മമിത പുലിക്കോട് എന്നിവർ അടങ്ങിയ പ്രസീഡിയം നിയന്ത്രിച്ച സമ്മേളനത്തിൽ മേഖല സെക്രട്ടറി അൻസാരി കടയ്ക്കൽ പ്രവർത്തന റിപ്പോർട്ടും ജനറൽ സെക്രട്ടറി സജി തോമസ് മാത്യു സംഘടന റിപ്പോർട്ടും അവതരിപ്പിച്ചു. 13 യൂണിറ്റുകളെ പ്രതിനിധീകരിച്ച് 20 പേര് ചർച്ചയിൽ പങ്കെടുത്തു, മേഖല സെക്രട്ടറി അൻസാരി കടയ്ക്കൽ ജനറൽ സെക്രട്ടറി സജി തോമസ് മാത്യു എന്നിവർ അംഗങ്ങളുടെ ചർച്ചക്കുള്ള മറുപടി നൽകി തുടർന്ന് പ്രവർത്തന റിപ്പോർട്ടും സംഘടനാ റിപ്പോർട്ടും സമ്മേളനം അംഗീകരിച്ചു. അടുത്ത പ്രവർത്തന വർഷത്തിൽ സാൽമിയ മേഖല കമ്മിറ്റിയെ നയിക്കുന്നതിന് 15 അംഗ മേഖല എക്സിക്യുട്ടീവ് അംഗങ്ങളെയും മേഖല കമ്മിറ്റിയുടെ പ്രസിഡന്റായി അബ്ദുൾ നിസാറിനേയും, സെക്രട്ടറിയായി അൻസാരി കടയ്ക്കലിനേയും സമ്മേളനം തെരഞ്ഞെടുത്തു. ജനുവരി 24 ന് നടക്കുന്ന കല കുവൈറ്റിന്റെ 46-ാമത് കേന്ദ്ര വാർഷിക സമ്മേളനത്തിലേക്ക് 48 പ്രതിനിധികളേയും സമ്മേളനം തെരെഞ്ഞെടുത്തു.

മിനി പാകിസ്താനെന്ന് വിളിച്ച് കേരളത്തെ ആക്ഷേപിച്ച മഹാരാഷ്ട്ര മന്ത്രി രാജിവയ്ക്കണം,കേരളത്തോടുള്ള കേന്ദ്ര അവഗണന അവസാനിപ്പിക്കണം

മാധ്യമങ്ങളുടെ തെറ്റായ വാർത്താരീതികൾക്കെതിരെ നിയമം കൊണ്ടുവരണം തുടങ്ങിയ പ്രമേയങ്ങൾ സമ്മേളനം അംഗീകരിച്ചു.

കല കുവൈറ്റ് പ്രസിഡന്റ് അനുപ് മങ്ങാട്ട്, ട്രെഷറർ അനിൽ കുമാർ, ജോയിന്റ് സെക്രട്ടറി ബിജോയ്‌, വൈസ് പ്രസിഡന്റ് റിച്ചി കെ ജോർജ് അബുഹലീഫ മേഖലാ സെക്രട്ടറി രഞ്ജിത്ത് എന്നിവർ സമ്മേളനത്തിന് അഭിവാദ്യങ്ങൾ അർപ്പിച്ച് സംസാരിച്ചു.

വിനോദ് കുമാർ, റിജിൻ രാജ്, അനൂപ് രാജ് എന്നിവർ രജിസ്ട്രേഷൻ കമ്മിറ്റിയുടെയും,ലിജോ അടുക്കോലിൽ, അനുജ ജിജുലാൽ, രാകേഷ് എന്നിവർ മിനുട്ട്സ് കമ്മിറ്റിയുടേയും, ജിജുലാൽ, അഞ്ചന സജി, അജയ് കൃഷ്ണ എന്നിവർ പ്രമേയ കമ്മിറ്റിയുടേയും, അജിത്ത് പട്ടമന, രാജീവ്‌ അമ്പാട്ട്, ബിജീഷ് എന്നിവർ ക്രഡൻഷ്യൽ കമ്മിറ്റിയുടെയും ചുമതലകൾ വഹിച്ചു. സ്വാഗത സംഘം ചെയർമാൻ ജോസഫ് നാനി സ്വാഗതം ആശംസിച്ച സമ്മേളനത്തിന് സാൽമിയ മേഖലയുടെ പുതിയതായി തെരെഞ്ഞെടുത്ത സെക്രട്ടറി അൻസാരി കടയ്ക്കൽ നന്ദി പറഞ്ഞു.