കുവൈത്ത് സിറ്റി: കേരള ആർട്ട് ലവേഴ്സ് അസോസിയേഷൻ കല കുവൈറ്റ്, അബുഹലിഫ മേഖല കമ്മിറ്റിയുടെ നേതൃത്വത്തിൽ ഓണത്തോടനുബന്ധിച്ച് ഗൃഹാങ്കണ പൂക്കള മത്സരവും, പായസ മത്സരവും സംഘടിപ്പിച്ചു.
പൂക്കള മത്സരത്തിൽ അബുഹലിഫ ഇ യൂണിറ്റിലെ ജിജി ജോസഫ് ഒന്നാം സ്ഥാനവും,അബുഹലീഫ ബി യൂണിറ്റിലെ ജിതിൻ പ്രകാശ്, സ്നേഹ രഞ്ജിത്ത് , അരുണിമ പ്രകാശ് ടീം രണ്ടാം സ്ഥാനവും മെഹബുള്ള ജി യൂണിറ്റിലെ എറിക് ജോൺസൺ ആന്റ് ടീം മൂന്നാം സ്ഥാനവും നേടി.
പായസ മത്സരത്തിൽ
അബുഹലിഫ ഇ യൂണിറ്റിലെ ജിജി ജോസഫ് ഒന്നാം സ്ഥാനവും അബുഹലിഫ എ യൂണിറ്റിലെ നിഷ പ്രശാന്ത് രണ്ടാം സ്ഥാനവും, മെഹബുള്ള ഇ യൂണിറ്റിലെ അരുണിമ പ്രകാശ് സ്നേഹ രഞ്ജിത്ത് എന്നിവർ മൂന്നാം സ്ഥാനത്തിനും അർഹരായി.
മധു കൃഷ്ണ, ശ്യാമ മധുകൃഷ്ണ,ഷാജു ഹനീഫ്, സ്മിത ജ്യോതിഷ് എന്നിവർ മത്സരങ്ങളുടെ വിധികർത്താക്കളായിരുന്നു. മേഖല സെക്രട്ടറി രഞ്ജിത്ത്, ആക്റ്റിങ് പ്രസിഡന്റ് ജോബിൻ കേന്ദ്ര കമ്മിറ്റി അംഗങ്ങളായ പ്രജോഷ്, ശങ്കർ റാം മേഖല എക്‌സിക്യൂട്ടീവ് അംഗങ്ങളായ പ്രസീത ജിതിൻ, ഷാജി എന്നിവരുടെ നേതൃത്വത്തിലായിരുന്നു ഗൃഹ സന്ദർശനങ്ങൾ നടന്നത്.