തിരുവനന്തപുരം ; കുവൈറ്റ് മലയാളികളുടെ കലാ സാംസ്‌കാരിക കൂട്ടായ്മയായ കേരള ആർട്ട് ലവേഴ്സ് അസോസിയേഷൻ, കല കുവൈറ്റിന്റെ കേരളത്തിലെ പ്രവർത്തനങ്ങൾക്ക് നേതൃത്വം നൽകുന്ന തിരുവനന്തപുരം കേന്ദ്രമായി പ്രവർത്തിക്കുന്ന കല ട്രസ്റ്റ് വർഷംതോറും നടത്തിവരുന്ന അവാർഡ് ദാനവും, വിദ്യഭാസ എൻഡോവ്മെന്റ് വിതരണവും 2024 ജൂലൈ 28 ഞായറാഴ്ച പാലക്കാട് സൂര്യരശ്മി ഓഡിറ്റോറിയത്തിൽ നടക്കും.
പരിപാടിയുടെ വിജയകരമായ നടത്തിപ്പിനുവേണ്ടിയുള്ള സ്വാഗത
സംഘ രൂപീകരണ യോഗം കല കുവൈറ്റ് പ്രസിഡന്റ് അനുപ് മങ്ങാട്ടിന്റെ അധ്യക്ഷതയിൽ പാലക്കാട് AC ഓഫീസ് ഓഡിറ്റോറിയത്തിൽ നടന്നു.പരിപാടിയിൽ വിദ്യാർത്ഥി സംഘടനയേയും മറ്റു വർഗ്ഗ ബഹുജന സംഘടനകളേയും പ്രതിനിധീകരിച്ച് നൂറോളം ആളുകൾ പങ്കെടുത്തു.
കല ട്രസ്റ്റ് സെക്രട്ടറി സുദർശൻ കളത്തിൽ,CPIM ജില്ലാ കമ്മിറ്റി അംഗവും മുൻ MLA യും ആയിരുന്ന നൗഷാദ്,ഏരിയ സെക്രട്ടറി കൃഷ്ണൻ കുട്ടി, കല ട്രസ്റ്റ് അംഗം ചന്ദ്രമോഹൻ,മുൻ MLA കെ കെ. ദിവാകരൻ, കല ട്രസ്റ്റ് അംഗം ജനാർദ്ദനൻ മാസ്റ്റർ എന്നിവർ യോഗത്തിൽ അഭിസംബോധന ചെയ്തു സംസാരിച്ചു.
പരിപാടിയുടെ വിജയകരമായ നടത്തിപ്പിനായി സിപിഐഎം കേന്ദ്ര കമ്മിറ്റി അംഗം സ. A K. ബാലൻ രക്ഷാധികാരി കല കുവൈറ്റ് പ്രസിഡന്റ് അനുപ് മങ്ങാട്ട് കൺവീനർ സിപിഐഎം പാലക്കാട് ജില്ല സെക്രട്ടറി സുരേഷ് ബാബു ചെയർമാൻ എന്നിങ്ങനെ 101 അംഗ സ്വാഗതസംഘ കമ്മറ്റി രൂപീകരിച്ചു.
കല കുവൈറ്റ് ജോ:സെക്രട്ടറി ബിജോയ്‌ സ്വാഗതം ആശംസിച്ച ചടങ്ങിന് കല കുവൈറ്റ് മുൻ സാഹിത്യ വിഭാഗം സെക്രട്ടറി കവിത അനുപ് നന്ദി പറഞ്ഞു.