Trending

News Details

ബിജെപിക്കെതിരെ ബദൽ രാഷ്ട്രീയ മുന്നണി ഉയർന്നു വരണം. പി.സതീദേവി.

  • 20/05/2023
  • 260 Views

കുവൈറ്റ് സിറ്റി : ഭരണ ഘടനാ മൂല്യങ്ങളും, മതനിരപേക്ഷതയും കാത്തു സൂക്ഷിക്കാൻ പോരാട്ടങ്ങൾ അനിവാര്യമായ സാഹചര്യത്തിൽ ബദൽ രാഷ്ട്രീയ ഐക്യം ഉയർന്നു വരണമെന്ന്, കേരള ആർട്സ് ലവേഴ്സ് അസോസിയേഷൻ, കല കുവൈറ്റ് , സാൽമിയ സീനിയർ ഇന്ത്യൻ കമ്മ്യൂണിറ്റി സ്‌കൂളിൽ സംഘടിപ്പിച്ച, നായനാർ അനുസ്മരണയോഗം ഉദ്‌ഘാടനം ചെയ്തുകൊണ്ട് പി സതീദേവി അഭിപ്രായപ്പെട്ടു. കാർഷക വിരുദ്ധ നിയമങ്ങൾ, വിദ്യാഭ്യാസ പരിഷ്കരണ ബില്ല് പോലുള്ള എല്ലാ ജനദ്രോഹ നിലപാടുകൾക്കെതിരെയും കോൺഗ്രസ്സ് പ്രതിപക്ഷത്തിന്റെ ഉത്തരവാദിത്തങ്ങൾ പോലും നിറവേറ്റിയില്ലെന്നും സിപിഐഎം കേന്ദ്രകമ്മിറ്റി അംഗവും, വനിതാ കമ്മീഷൻ അദ്ധ്യക്ഷയുമായ പി സതീദേവി കൂട്ടിച്ചേർത്തു. കല കുവൈറ്റ്, പ്രസിഡണ്ട് കെ കെ ശൈമേഷ് അദ്ധ്യക്ഷത വഹിച്ച ചടങ്ങിൽ, ജനറൽ സെക്രട്ടറി രജീഷ് സി സ്വാഗതം ആശംസിച്ചു. പോളിറ്റ് ബ്യുറോ അംഗവും, കേരളത്തിന്റെ ജനകീയനായ മുഖ്യമന്ത്രികൂടി ആയിരുന്ന, സ: ഇ കെ നായനാരെ അനുസ്മരിച്ചുകൊണ്ടുള്ള അനുസ്മരണ കുറിപ്പ് സാഹിത്യ വിഭാഗം സെക്രട്ടറി കവിതാ അനൂപ് അവതരിപ്പിച്ചു. ലോക കേരള സഭാംഗം ആർ നാഗനാഥൻ, വനിതാവേദി, ജനറൽ സെക്രട്ടറി ആശാലത ബാലകൃഷ്ണൻ എന്നിവർ അഭിവാദ്യങ്ങൾ അർപ്പിച്ചു.കേന്ദ്ര ഭാരവാഹികളായ ബിജോയ്, പ്രജോഷ്, റിച്ചി.കെ.ജോർജ്ജ് എന്നിവരും വേദിയിൽ സന്നിഹിതരായിരുന്നു. പ്രവാസ ജീവിതം അവസാനിപ്പിച്ച് നാട്ടിലേക്ക് മടങ്ങുന്ന കലയുടെ സജീവപ്രവർത്തകൻ ടി. പി പത്മനാഭന് ചടങ്ങിൽ വെച്ച് യാത്രയയപ്പ് നൽകി. കുവൈറ്റിലെ സാമൂഹ്യ സാംസ്കാരിക മാധ്യമ രംഗത്തെ പ്രമുഖരും കല കുവൈറ്റ് പ്രവർത്തകരും അടക്കം നൂറുക്കണക്കിന് ആളുകളാണ് അനുസ്മരണയോഗത്തിൽ പങ്കെടുത്തത്. ട്രഷറർ അജ്നാസ് മുഹമ്മദ് നന്ദി പ്രകാശിപ്പിക്കുകയും ചെയ്തു.