ഒരു രാജ്യം ഒരു ഭാഷ: കല കുവൈറ്റ് പ്രതിഷേധിച്ചു.

കുവൈറ്റ് സിറ്റി: രാജ്യത്തിന്റെ വൈവിധ്യവും ബഹുസ്വരതയും തകർക്കാനുള്ള പ്രവർത്തനത്തെ കരുതിയിരിക്കണമെന്ന് കല കുവൈറ്റ്. നാനാത്വത്തിൽ ഏകത്വമെന്നതാണ് നാം ഉയർത്തിപ്പിടിക്കുന്ന മുദ്രാവാക്യം. ഒരു രാജ്യം ഒരു ഇന്ത്യ എന്ന മുദ്രാവാക്യം രാജ്യത്തെ ഒരുമയിലേക്ക് നയിക്കുന്നതിനു പകരം അസഹിഷ്ണുതയിലേക്കാണ് നയിക്കുക. മുമ്പും ഇത്തരം ശ്രമങ്ങൾ ഉണ്ടാവുകയും ജനത അത് തള്ളിക്കളയുകയും ചെയ്തിട്ടുള്ളതാണ്. രാജ്യം സാമ്പത്തിക പ്രതിസന്ധി ഉൾപ്പെടെയുള്ള അതിരൂക്ഷമായ അഭിമുഖീകരിക്കുമ്പോൾ ജനങ്ങളുടെ ശ്രദ്ധ അതിൽ നിന്നും തിരിച്ചു വിടുന്നതിനുള്ള ശ്രമമാണ് കേന്ദ്രസർക്ക്കരിന്റെ ഭാഗത്തു നിന്നുണ്ടാകുന്നത്. ഫെഡറൽ അവകാശങ്ങളെ കവർന്നെടുത്ത് സംഘപരിവാർ അജണ്ട നടപ്പിലാക്കാനാണ് ബിജെപി സർക്കാർ ശ്രമിക്കുന്നതെന്നും ഇത്തരം ശ്രമങ്ങൾക്കെതിരെ ജനാധിപത്യ വിശ്വാസികൾ ജാഗരൂഗരാകണമെന്നും കല കുവൈറ്റ് പ്രസിഡന്റ് ടിവി ഹിക്മത്ത്, ജനറൽ സെക്രട്ടറി ടികെ സൈജു എന്നിവർ പത്രക്കുറിപ്പിൽ അറിയിച്ചു.

Leave a Reply